غیرت بریگیڈ۔۔

غیرت بھی عجیب چیز ہے۔ یہ تب تو وجود میں نہیں آتی جب کسی خاتون کو تشدد کا نشانہ بنایا جا رہا ہو، یہ تب بھی نہیں جاگتی جب گھر سے باہر کڑی دھوپ میں کام پر جانے والی ملازمہ خاتون پر محلے کے آوارہ لڑکے فقرے کس رہے ہوں۔۔یہ تب بھی نہیں جاگتی جب ایک شادی شدہ خاتون کا میاں کسی دوسری عورت سے نا جائز رشتہ بنا لے۔ یہ تب بھی نہیں جاگتی جب ایک غریب اور متوسط طبقے کی لڑکی سے دس بیس لاکھ روپے کا جہیز مانگا جاۓ۔۔غیرت تب بھی نہیں جاگتی جب ایک خاتون اپنے چرسی، نکمے نکٹھو شوہر کو کما کر کھلاتی ہے۔اس کے خاندان والوں کا پیٹ بھرتی ہے۔ غیرت تب بھی نہیں جاگتی جب ضرورت کے تحت گھر سے باہر نکلنے والی خاتون کو دس باتیں سننا پڑتی ہیں۔۔بس غیرت صرف وہاں جاگتی ہے جہاں خاتون اپنی پسند سے عقد کر لے۔۔۔